Бүгін оркестр ұжымы ұлт аспаптарын жаңаша жаңғыртып, домбыраны өзіндік ою-өрнегімен әсемдеп қолтаңбасын жасауда сара жол салған шебер Жолаушы Тұрдығұловты 70 жас мерекесімен құттықтау рәсімін өткізді. Жиында оркестр директоры Медет Ермекқалиұлы сөз алып Жолаушы ағамызды мерейтойымен құттықтап, ұжым атынан алғыс хатпен марапаттап, дәстүрге сай иығына шапан жапты.
Жолаушы Тұрдығұлов қазіргі шеберлердің ішінде біліктілігі, кәсіби жағынан алғанда көш бастап тұрған өнер иесі. Бүгіргі таңдағы ағаштан ою ойған бірден бір хас шебер.Жиын барысында ШҚО арнайы келген қонағымыз Лаура Оралбекқызы Жолаушы ағамызға ШҚО Күршім ауданының құрметті азаматы атағын табыс етті.Оркестр ұжымы атынан ардагер ағамызды мерейтойымен, марапатымен құттықтаймыз.Хас шебер Жолаушы Абулғазыұлының еңбегі өркениет кемеліне жетелейтін, қоғамның өсіп дамуына негіз болар тәуелсіз мемлекетіміздің рухани аясының кеңеюіне қосқан үлесі деп танимыз.Іс-шара соңында Жолаушы ағамыз өзінің әншілік өнерімен бөлісіп, әннен шашу шашты.
Құттықтау рәсіміне оркестр ұжымы, арнайы қонақтар және Жолаушы ағамыздың шәкірттері қатысып, жылы лебіздерімен бөлісті.
