1992 жылы Құрманғазы атындағы оркестрге жұмысқа қабылданып, 1996 жылғы конкурстың қорытындысы бойынша ІІ домра-прима тобының концертмейстрі болып тағайындалған. Бүгінгі таңға дейін концертмейстрлік орнында қызмет етуде.
Әбілқасымова Нұргүл Айтмуханбетқызы 1972 жылы 31 қаңтар күні Семей облысы Ақсуат ауданында дүниеге келді. 1979 жылы Ақсуат ауданындағы орыс орта мектебіне 1 сыныпқа барды. 1981 жылы Ақсуат ауданындағы балалар музыка мектебіне қабылданған. 1987 жылы музыка мектептің домра-прима классын озат бітіріп шықты. Павлодар қаласындағы Чайковский атындағы музыка училищесіне 1987 жылы түсіп толық курсын домра-прима мамандығы бойынша 1991 жылы үздік дипломмен бітіріп шықты. 1991 жылы Құрманғазы атындағы Алматы Мемлекеттік консерваториясына түсіп, 1996 жылы үздік дипломмен тәмамдады.
Консерватория қабырғасында оқып жүріп 1992 жылы Құрманғазы атындағы оркестрге жұмысқа қабылданды. 1996 жылы конкурстың қорытындысы бойынша ІІ домра-прима тобының концертмейстрі болып тағайындалды және осы бүгінгі таңға дейін сол концертмейстрлік орнында қызмет етіп келеді.
Қызмет барысында оркестр құрамымен бірқатар шет.мемлекеттерде, атап айтқанда: Ресей, Қытай, АҚШ, Түркия, Австрия, Германия, Франция, Италия, Болгария, Украина т.б.елдерде гастрольдік сапармен барып қайтқан.
2009 жылы елордадағы Конгресс-Холл сарайында оркестірдің 75 жылдығында «Мәдениет қайраткері» атағына ие болды.