2005 жылдан бері Құрманғазы атындағы Қазақ ұлттық халық аспаптар оркестрінде жұмыс істеп келеді.
Битешов Рафаэль Тұрақбайұлы 1983 жылы, маусымның 5-і, Жамбыл облысы, Қордай ауданында Көктөбе ауылында қарапайым отбасыда дүниеге келді.
Б. Момышұлы атындағы №43 орта мектебінде 9 жылдық білім алып, 1999 жылы аяқтады.
1999 жылы Алматы қаласындағы П.И. Чайковский атындағы музыкалық колледжінде домбра-прима мамандығы бойынша оқуға қабылданды.
2002 жылы Астана қаласында өткен Республикалық конкурсына қатысып, бас жүлдеге ие болды.
Аталған оқу орнын 2003 жылы ойдағыдай аяқтап шықты. Сол 2003 жылы Алматы қаласындағы Құрманғазы атындағы Қазақ Ұлттық консерваториясына түсіп, Өтепберген Хамзаұлынан дәріс алды.
2005 жылы Астана қаласында өткен Халықаралық «Шабыт» фестивалінің 1- дәрежелі лауреаты атанды.
2007 жылы аталған консерваторияны «Дәстүрлі музыка өнері» мамандығы бойынша тамамдады.
2005 жылы Құрманғазы атындағы академиялық халық аспаптар оркестрінің негізгі құрамына жұмысқа қабылданды. Оркестрде жұмыс атқара жүре көптеген Қазақстанның қалаларында және алыс жақын шет елдерде қазақтың өнерін танытып гострольдік сапарларда болып Қазақстан Республикасының мәдениеті мен өнерін дамытуға үлесімді қосып келемі.
2022 жылы 12 қазанда «Мәдениет салсының үздігі» төсбелгісімен марапатталды.