2016 жылдан бері Құрманғазы атындағы Қазақ ұлттық халық аспаптар оркестрінде қызмет етеді.
Ибрагимов Ақтөре Бекболұлы 1993 жылы 23-сәуірде Қызылорда облысында дүниеге келді.
1999 ж Қызылорда қаласы Ж.Қизатов атындағы № 23 орта мектептің табалдырығын аттады. Алғаш өнер жолын қосымша домбыра үйірмесінен бастап 2008-жылы Қызылорда қаласы Қазанғап атындағы музыкалық колледжде белгілі күйші Әбсәдықов Әлімжан Нағызханұлының класына қабылданды.
Колледж қабырғасында оқып жүріп Республикалық конкурстардың лауреаты атанды. Көптеген қалалық және облыс көлемінде өткен айтулы іс шаралардың қатысушысы болған.
Атап айтқанда 2010 ж Республикалық пәндік олимпияда 2-орын. 2011 ж Халықаралық Шабыт фестивалі дипломант иегері. 2012 ж Республикалық орта оқу орындары арасындағы конкурс дипломант иегері. 2012 ж Республикалық Есір Айшуақұлы атындағы конкурс 2 – орын иегері. 2012 ж Қызылорда облысы әкімінің степндия иегері атанды.
2009 ж колледж қабырғасында оқып жүріп Қызылорда қаласы филармониясының «Ақмешіт» фольклорлы ансамблінің домбырашысы қызметіне орналасты. Ансамбль сапында алыс жақын елдерге гастрольдік сапарлармен өнер көрсетті. Оның ішінде «Қорқыт дала сазы» халықаралық фестиваліде және Республикалық ансамблдер арасында өткен «Бабалар сазы» конкурсында өнер көрсетті.
2012 жылы Алматы қаласы Құрманғазы атындағы Қазақ Ұлттық консерваториясына оқуға түсті. Киелі өнер шаңырағындағы ұстазы Қазақстан Республикасының еңбегі сіңген қайраткері, Халық музыка факултетінің деканы профессор К.Сахарбаева болды. Консерватория қабырғасында концерттік сапарлармен алыс жақын шетелдерде өнер көрсетіп Халықаралық және Республикалық конкурстардың лауреаты атанды. Атап айтқанда 2014 ж Халықаралық Мұрат Өскінбаев атындағы конкурстың 2-орын иегері. 2015 ж Халықаралық Есір Айшуақұлы атындағы конкурстың 2-орын иегері. Және осы жылы Тұңғыш Елбасы степендиясының иегері атанған.
2016 ж консерваторияны үздік қызыл дипломмен аяқтап Құрманғазы атындағы Қазақ Ұлттық оркестріне жұмысқа қабылданды. Оркестр сапында жүріп 2017 ж Құрманғазы атындағы Қазақ Ұлттық консерваториясының өнер магистранты атанды. Ғылыми жетекшім Өнертану ғылымдарының докторы С.Ысқаққызы болды. Магистратурада ғылыми тәжербием Азербайжан мемлекеті Баку қаласы консерваториясында өтті. 2019 жылы өнер магистрі дәрежиесін бітіріп шықты. Бүгінгі таңда Құрманғазы атындағы Қазақ Ұлттық оркестрінде қызмет жасап келемін. Оркестр сапында бірқатар мемлекеттерді гастрольдік сапарлармен аралап көптеген үлкенді – кішілі іс-шараларда қызмет етіп келеді.