1994 жылы Құрманғазы атындағы Қазақ ұлттық халық аспаптары оркестрінің әртісі болып қабылданып, 1997 жылы домбыра-прима аспабының концертмейстрі болып тағайындалды
Санжан Сабиргалиева 1974 жылы 3-ші наурызда Атырау обл. Индер ауданы Көктоғай ауылында дүниеге келген.
1989 жылы орта мектепті бітіріп, Орал музыка училищесіне домбыра-прима аспабына оқуға қабылданды. Училище қабырғасында аймақтық байқауында көрсеткен орындаушылық шеберлігі үшін Құрмет грамотасымен марапатталған. 1993 жылы училище аралық XV Республикалық жас орындаушылар конкурсының лауреаты атанды.
Сабиргалиева Санжан 1993 жылы Орал қаласындағы Құрманғазы атындағы музыка училищесін оқытушы,ансамбль және оркестр әртісі,көркемөнерпаздар бірлестігінің жетекшісі квалификациясы бойынша үздік бітірді.1993 жылы Құрманғазы атындағы Қазақ Ұлттық консерваторияға оқуға қабылданып,1997 жылы консерваторияны доцент және ҚР Мәдениет қайраткері З.Измуратова класынан өте жақсы деген бағамен бітіріп шықты.
Консерваторияда оқып жүрген жылдары I-Республикалық Дина Нурпеисова атындағы халық музыка аспаптарында орындаушы қыз-келіншектер сайысында I-орын иеленді. 1994 жылы Құрманғазы атындағы Қазақ мемлекеттік академиялық халық аспаптары оркестрінің әртісі болып қабылданып,1997 жылы домбыра-прима аспабының концертмейстрі болып тағайындалды.
1998 жылы Құрманғазы атындағы IV-Халықаралық халық аспаптарында орындаушылар конкурсында II-ші жүлдемен марапатталып,оған қоса конкурстың лауреаты атанған.
С.Сабиргалиева Құрманғазы оркестрі құрамында Түркия, Болгария, Украина, Ресей, Қытай, Италия, Германия, Австрия, Франция,Татарстан,Башкортстан,Өзбекстан,Қырғызстан т.б. мемлекеттерінде өз өнерін көрсетіп жүр.
ҚР білім, мәдениет және денсаулық министрлігінің Құрмет Грамотасымен (1998ж.) марапатталған.
Қазақстан Республикасының мәдениет,ақпарат және спорт министрлігінің Құрмет Грамотасымен (2004ж.), 2016 жылы Қазақстан Республикасы Тәуелсіздігінің 25 жылдығы медалімен марапатталды.
2007-2010 жылы Қазақ Ұлттық консерваториясын (ассистентура-стажировка) тамамдады.
2020 жылы «NurOtan» партиясы Алмалы ауданының Алғыс хатымен марапатталды.
2020 жылдың сәуір айында #ONERONLINE кестесі бойынша тікелей эфирге шықты.
2020 жылы қараша айында Оркестр басшылығының бастамасымен өткен «Тарихтан сыр» онлайн жобасына қатысты.
2021 жылы тамызда Тәуелсіздіктің 30 жылдығына арналған «Арнау» атты жеке концертін берді.
2022 жылы мамыр айында ҚР Президентінің жарлығымен «Қазақстанның еңбек сіңірген қайраткері» атағы берілді.
Қазіргі уақытта Құрманғазы атындағы Қазақ Ұлттық халық аспаптары оркестрінде домбыра-прима тобының концертмейстері қызметін жалғастыруда.