2006 жылдан бастап Құрманғазы атындағы Қазақ ұлттық халық аспаптар оркестрінде баян тобында концертмейстер болып қызмет етеді.
1983 жылы 10 қаңтарда Семей облысы Ақсуат ауданында дүниеге келген.
1993-2001 ж.ж. А.Жұбанов атындағы Республикалық арнайы музыка мектеп-интернатында, баян мамандығы бойынша дәріс алды. Алғашқы ұстазы – «Ерен еңбегі үшін» медалінің иегері Қожахметов Сұлтан Тайғараұлы. Мектеп қабырғасындағы ұстаздары: Исалиев Т.Т., Ким П.А., Гайсин А.М., Аманжолов А. Аталған мектепті Смақова Зәуре Нығметқызы класынан тәмамдады.
1997 жылы Түркияда өткен Халықаралық достық фестивалінің лауреаты.
2000 жылы ХХІ Республикалық жас орындаушылар байқауына қатысып, лауреат атанды.
2001-2005 ж.ж. Құрманғазы атындағы Қазақ Ұлттық Консерваториясында, ҚР мәдениет қайраткері, доцент – Смақова Зәуре Нығметқызының класында білімін ұштайды. Консерваторияда оқи жүріп А.Жұбанов атындағы музыка мектебі және П.И.Чайковский атындағы музыка колледж оркестрлерінде иллюстратор ретінде еңбек жолын бастады.
2003-2006 жылдар аралығында Н.Тілендиев атындағы «Отырар сазы» фольклорлы-этнографиялық оркестрінде қызмет етті.
2006 жылдан бастап Құрманғазы атындағы Ұлттық халық аспаптар оркестрінде қызметін жалғастыруда. Сырнай тобының концертмейстері, жоғары санатты қызметкер. Оркестр құрамымен көптеген шет ел мемлекеттеріне іссапармен болды: Ресей, Түркия, ҚХР, Австрия, Германия, Франция, Монако, Швейцария, АҚШ, Испания, Болгария, Италия т.б.
2019 жылдан бері А.Жұбанов атындағы Республикалық дарынды балаларға арналған қазақ музыка мектеп-интернатында ұстаз.
2019 жылы Мәскеудегі «Юпитер» баян фабрикасында, баян аспабын жөндеу және қалпына келтіру ісінің қыр-сырын меңгеріп, баян аспабының шебері бойынша біліктілігін арттырды.
2020 жылы «Мәдениет саласының үздігі» төсбелгісімен марапатталды.
2021-2023 жылдары Құрманғазы атындағы Қазақ Ұлттық Консерваториясында магистрант (профессор Анатолий Мубаракзянович Гайсин класы).
2023 жылы «Қазіргі заманғы Қазақстан композиторларының баянға арналған шығармалары (жанрлық-стильдік ерекшеліктері)» тақырыбында магистрлік диссертация қорғап (ғылыми жетекшісі – Сарымсакова А.С.), «Өнертану ғылымдарының магистрі» ғылыми дәрежесіне ие болды.