2023 жылдың 25-29 сәуір аралығында Құрманғазы атындағы Қазақ ұлттық халық аспаптар оркестрінің Жамбыл облысына жоспарлаған гастрольдік сапары өтеді. Қазақстан Республикасы Мәдениет және спорт министрлігінің қолдауымен ұйымдастырылып отырған іс-шара Шу, Тараз, Жуалы, Меркі, Құлан аймақтарын қамтиды.
Концерт бағдарламасында қазақстандық композиторлардың танымал шығармалары және әлемдік классика жауһарлары шырқалады. Сондай-ақ, Құрманғазы оркестрі артистерінің қатысуымен шеберлік сабақтары, Тараз қаласында қайырымдылық концерті ұйымдастырылады.
Жамбыл облысындағы алғашқы гастрольдік концерт 25 сәуір Шу ауданында, 26 сәуір Тараз қаласында, 27 сәуір Жуалы ауданында, 28 сәуір Құлан ауданында, 29 сәуір Меркі ауданында өтеді.
Оркестрмен бірге ҚР Еңбек сіңірген қайраткері Саят Медеуов, халықаралық байқаулардың лауреаты Жадыра Аманова өнер көрсетеді.