Биыл қазақ композиторы, домбырашы, күй атасы Құрманғазының шәкірті, Қазақ КСР Халық артисі Дина Нұрпейісованың туғанына 160 жыл.
Осы орайда Қазақстан Республикасының Мәдениет және спорт министрлігі Мемлекетттік Академиялық халық аспаптар оркестрлері, өңірдегі концерт ұйымдары және филармониялардың қатысуымен «Динадан жеткен күй күмбір» республикалық музыкалық челленджін ұйымдастырды.
Осынау бұқаралық іс-шараны Министрлік тарапынан «Қазақконцерт» мемлекеттік концерттік ұйымы жанындағы «Республикалық концерттік-гастрольдік қызмет орталығы» үйлестірді.
Бұл игі іс-шараны Құрманғазы атындағы Қазақ ұлттық халық аспаптары оркестрінің бас дирижері Мемлекеттік «Дарын» жастар сыйлығының лауреаты Абылай Тілепберген “Науысқы” күйімен бастап оркестрдің орындауымен жалғастырып, күй челленджін Дина Нұрпейісова атындағы академиялық қазақ халық аспаптар оркестріне жолдады.
Қасиетті домбыраны серік етіп, қазақ музыкасын мол мұрасымен байытқан күй анасының шығармашылығын ұлықтау бүгінгі ұрпаққа үлкен парыз.
Аты аңызға айналған біртуар анамыздың мұрасын қастерлеп, есімін аялай білейік!
