Бүгін Ұлттық оркестр Орта Азия халықтарының жаңа жылы болып саналатын Наурыз мейрамына арналған «Наурыз думан» атты мерекелік концертін ұсынды.
Концертте ҚР Мемлекеттік «Салтанат» би ансамблі, Мәдениет саласының үздігі Бибігүл Қилымхан, Халықаралық және Республикалық конкурстардың лауреаттары Төлеген Рахымбаев, Біржан Бәзілжан, Асел Рақымжан, Төлеби Нұрғали жеке өнер көрсетті.
Ұлыстың ұлы күні қарсаңында ұйымдастырылған кеште Құрманғазы оркестрінің репертуарындағы ұлттық дәстүрлі таңдамалы музыкалық шығармалар орындалды.
