2023 жылдың 21 сәуірінде ҚР Мәдениет және спорт министрлігінің ҚР Мемлекеттік орталық музей қорын тарихи тұлғалар домбыралары көшірмелерімен толықтыру және Құрманғазы Сағырбайұлының мәдени мұрасын насихаттау мақсатында домбыра жасаушы шеберлер арасында ұйымдастырылған «Пернесінде сөйлейді ұлы дала» республикалық байқауының қорытынды кезеңі өтті.
Шараға «Пернесінде сөйлейді ұлы дала» республикалық байқауына қатысқан домбыра жасаушы шеберлер және ҚР еңбек сіңірген әртістері Айгүл Үлкенбаева, Рамазан Стамғазиев, ҚР еңбек сіңірген қайраткерлері Шәміл Әбілтаев, Әбділхамит Райымбергенов, Еркін Шүкіман, Мәдениет саласының үздіктері Динара Нұрбаева, Саян Ақмолда, Абай Қойшыбаев, Мақпал Тоқтаған, Тілеулес Құрманғалиев және Диас Мұратхан қатысты.
Байқаудың қорытынды концерті Құрманғазы атындағы Қазақ ұлттық халық аспаптар оркестрінің сүйемелдеуімен өтті.
